?

Log in

No account? Create an account

Previous Entry | Next Entry

POSTVERNACULAR CABARET

  • Jun. 2nd, 2011 at 9:15 PM
etoia





 דער פּאָסטווערנאַקולאַרער פּיפּערנאָטער
וואָס וויל ער און וואָס האָט ער
צו אַל די שוואַרצע יאָר
פאַרטראַכט
ווען ס'גייען אָפּ
אַצינדער
מיט גוים נחת
איבער דער וועלט די קינדער
וואָס שטאַמען דווקא אָפּ
פון דורות יידן

נאָר אָט
 פון זיך אין גלות
מ'האָט
דאָס לשון
טאקע אייגענע
פאַרטריבן

אַוועק
אַוועק
אַוועק
צו אַל די בייזע רוחות

דער פּיפּערנאָטער
אָט דער זלידנער שוואַרצער קאָטער
מאַכט זיך ניט וויסנדיק
ער איז גאָר
דער מיוחס
און כ'לאַך שוין מיט
מיט אים
מיט יאַשטשערקעס קדחת

טאָ זאָל ער קושן מיר
מיט זיינע טענצלעך זאַווערוכעס
אַהין, אַהין וואו זיינס
אַן אויסגעקלעזמערט לידל
דערשפּיר איך טויבלעך
גאנץ בארוט

יאָ, יאָ
אַהין, אַהין
וואו יידל מיטן פידל
האָט אויפן וועג
צו זיך אַליין
מיט זיך אַליין
גערוט



Latest Month

September 2018
S M T W T F S
      1
2345678
9101112131415
16171819202122
23242526272829
30      
Powered by LiveJournal.com
Designed by
HP.com/gwen