?

Log in

No account? Create an account

Previous Entry | Next Entry

May. 7th, 2011

  • 10:08 PM
mitnkop
-
אַ לאָך ווערט אַ לאַך



 דער קונה קומט צו גיין און מאָנט אַלץ נייע סחורה
און דו פאַרשעמטערהייט באַגלייטסט אים שטיל אַרויס
ווייל נישטיק איז דיין קלייטל, קליין און אָרעם
און זיין פאַרלאַנג איז אומגעהייער גרויס

דעם קונה קוקסטו נאָכעט שטאַרק באַדויערט
נאָר ווייסט אַז מאָרגן, איבערמאָרגן קומט ער נאָך
ווי זאָלסטו אים מיט נייער סחורה גיין באַזאָרגן
אַז דיינע בידנע מיטלען זענען ווערט אַ לאָך

אַ לאָך? וואַרט אויס, אַ לאָך איז אויכעט עפּעס
פון לאָך קאָן מען אויסמייסטרעווען אַ זאַך
מערניט פאַרבייט דעם קָמץ אויף אַ פַּתח
און וועסט אַ וועלט פאַרדינען מיט דיין לאַך

צומאָרגנס קערט זיך אום אויפסניי דער קונא
און קוקט דיין שמייכל אָנעט מיט פאַרדאַכט
נאָר שפּעטער גייט ער שוין אַרויסעט אָן תרעומת
און זינגענדיק ער שפּאַנט אַהיים און לאַכט





Latest Month

September 2018
S M T W T F S
      1
2345678
9101112131415
16171819202122
23242526272829
30      
Powered by LiveJournal.com
Designed by
HP.com/gwen